ଆମେରିକାର ଆକ୍ରମଣ ଓ ଡ୍ରୋନ୍ ଧ୍ୱଂସ: ଆମେରିକା ସେନାର ସେଣ୍ଟ୍ରାଲ୍ କମାଣ୍ଡ (US CENTCOM) ସୂଚନା ଦେଇଛି ଯେ, ଷ୍ଟ୍ରେଟ୍ ଅଫ୍ ହରମୁଜ୍ ଦେଇ ଗତି କରୁଥିବା ଜାହାଜଗୁଡ଼ିକ ଉପରେ ଆକ୍ରମଣ ପାଇଁ ଇରାନ ଡ୍ରୋନ୍ ପ୍ରସ୍ତୁତ କରୁଥିଲା। ଆମେରିକା ଆକାଶମାର୍ଗରେ ୪ଟି 'ୱାନ୍-ୱେ ଆଟାକ୍ ଡ୍ରୋନ୍'କୁ ଧ୍ୱଂସ କରିବା ସହ ଇରାନର ପ୍ରମୁଖ ବନ୍ଦର ସହର 'ବନ୍ଦର ଅବ୍ବାସ' (Bandar Abbas) ରେ ଥିବା ଏକ କ୍ରାଉଣ୍ଡ କଣ୍ଟ୍ରୋଲ୍ ଷ୍ଟେସନ ଉପରେ ସିଧାସଳଖ ଆକ୍ରମଣ କରି ଗ୍ରାଉଣ୍ଡରେ ଥିବା ପଞ୍ଚମ ଡ୍ରୋନକୁ ବିସ୍ଫୋରଣ କରିଦେଇଛି।
କୁୱେତ ଉପରେ ଇରାନର ପାଲଟା ମିସାଇଲ ମାଡ଼: ଏହି ଆକ୍ରମଣର ପ୍ରତିଶୋଧ ନେବାକୁ ଯାଇ ଇରାନର ରିଭୋଲ୍ୟୁସନାରୀ ଗାର୍ଡସ (IRGC) କୁୱେତରେ ଥିବା ଆମେରିକୀୟ ସାମରିକ ଘାଟିକୁ ଟାର୍ଗେଟ୍ କରି ରକେଟ୍ ଓ ମିସାଇଲ୍ ମାଡ଼ କରିଛି। କୁୱେତ ସେନା ନିଜର ଏୟାର ଡିଫେନ୍ସ ସିଷ୍ଟମ ଜରିଆରେ କିଛି ମିସାଇଲ୍କୁ ଆକାଶରେ ନଷ୍ଟ କରିଦେଇଥିବା ଦାବି କରିଛି।
"କାମ ଶେଷ କରିଦେବି" - ଡୋନାଲ୍ଡ ଟ୍ରମ୍ପଙ୍କ ଚେତାବନୀ: ଏହି ହିଂସାକାଣ୍ଡ ପରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ହ୍ୱାଇଟ୍ ହାଉସ୍ରେ ଏକ ଜରୁରୀକାଳୀନ କ୍ୟାବିନେଟ୍ ବୈଠକ ଡକାଇଛନ୍ତି। ଟ୍ରମ୍ପ କହିଛନ୍ତି, "ଇରାନ ଚାହୁଁଛି ଆମେ ଶାନ୍ତି ଚୁକ୍ତି କରିବୁ, କିନ୍ତୁ ଆମେ ସେମାନଙ୍କ ପ୍ରସ୍ତାବରେ ସନ୍ତୁଷ୍ଟ ନାହୁଁ। ଯଦି ସେମାନେ ସୀମା ପାର୍ କରିବେ, ତେବେ ମୁଁ ସମ୍ପୂର୍ଣ୍ଣ ଭାବେ କାମ ଶେଷ କରିଦେବି (Finish the job)।" କୌଣସି ବି ଦେଶକୁ ଷ୍ଟ୍ରେଟ୍ ଅଫ୍ ହରମୁଜ୍ ଉପରେ କବ୍ଜା କରିବାକୁ ଦିଆଯିବ ନାହିଁ ବୋଲି ସେ ସ୍ପଷ୍ଟ କରିଛନ୍ତି।
ତେଲ ବଜାରରେ ନିଆଁ: ଏହି ଯୁଦ୍ଧ ସ୍ଥିତି ଯୋଗୁଁ ଆନ୍ତର୍ଜାତୀୟ ବଜାରରେ ବ୍ରେଣ୍ଟ କ୍ରୁଡ୍ ଅଏଲ୍ (Brent Crude) ର ଦର ପ୍ରାୟ ୧.୮% ବୃଦ୍ଧି ପାଇ ବ୍ୟାରେଲ୍ ପିଛା $୯୫.୯୫ ରେ ପହଞ୍ଚିଛି। ଯଦି ଏହି ଜଳପଥ ସମ୍ପୂର୍ଣ୍ଣ ବନ୍ଦ ରହେ, ତେବେ ବିଶ୍ୱରେ କାଳ ଭଳି ତେଲ ସଙ୍କଟ ଦେଖାଦେବ।
