ଭାରତ: ଚଳଚ୍ଚିତ୍ର ଜଗତ ପାଇଁ ଏକ ଗୌରବମୟ ମୁହୂର୍ତ୍ତରେ ମାଲାୟାଲମ ସିନେମାର ଜୀବନ୍ତ କିମ୍ବଦନ୍ତୀ ମମ୍ମୁଟ୍ଟିଙ୍କୁ ପଦ୍ମଭୂଷଣ ସମ୍ମାନରେ ସମ୍ମାନିତ କରାଯାଇଛି । ଜୁନ୍ 23, 2026ରେ ନୂଆଦିଲ୍ଲୀସ୍ଥିତ Rashtrapati Bhavanରେ ଆୟୋଜିତ ଦ୍ୱିତୀୟ ସିଭିଲ ଇନଭେଷ୍ଟିଚର ସମାରୋହରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ତାଙ୍କୁ ଏହି ସମ୍ମାନ ପ୍ରଦାନ କରିଥିଲେ । ସମାରୋହରେ ପ୍ରଧାନମନ୍ତ୍ରୀ Narendra Modi ଓ କେନ୍ଦ୍ର ଗୃହମନ୍ତ୍ରୀ Amit Shah ଉପସ୍ଥିତ ଥିଲେ ।
ମମ୍ମୁଟ୍ଟି ପ୍ରାୟ ପାଞ୍ଚ ଦଶନ୍ଧି ଧରି ଭାରତୀୟ ସିନେମାରେ ନିଜର ଅତୁଳନୀୟ ଅବଦାନ ରଖିଆସିଛନ୍ତି । ୪୦୦ରୁ ଅଧିକ ଚଳଚ୍ଚିତ୍ରରେ ଅଭିନୟ କରିଥିବା ଏହି ଅଭିନେତା କେବଳ ମଲୟାଳମ ନୁହେଁ, ତାମିଲ, ତେଲୁଗୁ, ହିନ୍ଦୀ ଓ ଅନ୍ୟାନ୍ୟ ଭାଷାର ଫିଲ୍ମରେ ମଧ୍ୟ ନିଜ ପ୍ରତିଭାର ଛାପ ଛାଡ଼ିଛନ୍ତି । ତାଙ୍କର ଅଭିନୟ ଦକ୍ଷତା ପାଇଁ ସେ ଅନେକ ଜାତୀୟ ଓ ରାଜ୍ୟ ସ୍ତରୀୟ ପୁରସ୍କାର ହାସଲ କରିଛନ୍ତି ।
ଏହି ବିଶେଷ ଅବସରରେ ତାଙ୍କ ପତ୍ନୀ ସୁଲଫତ ଏବଂ ପୁଅ Dulquer Salmaan ମଧ୍ୟ ଉପସ୍ଥିତ ଥିଲେ । ପରିବାର ସହ ଏହି ସମ୍ମାନ ଗ୍ରହଣ କରିବା ମୁହୂର୍ତ୍ତ ଭାରତୀୟ ସିନେମା ଇତିହାସରେ ଏକ ସ୍ମରଣୀୟ ଅଧ୍ୟାୟ ହୋଇ ରହିବ ।
ଉଲ୍ଲେଖଯୋଗ୍ୟ ଯେ, ମମ୍ମୁଟ୍ଟି ପୂର୍ବରୁ 1998 ମସିହାରେ ପଦ୍ମଶ୍ରୀ ସମ୍ମାନ ପାଇଥିଲେ । ବର୍ତ୍ତମାନ ପଦ୍ମଭୂଷଣ ପ୍ରାପ୍ତି ତାଙ୍କର ସିନେମା ଯାତ୍ରାକୁ ଆହୁରି ଗୌରବାନ୍ୱିତ କରିଛି ।
