ନୂଆଦିଲ୍ଲୀ, ୦୩ ସେପ୍ଟେମ୍ବର; ଭାରତୀୟ ଚେସ୍ରେ ଆଉ ଏକ ବଡ଼ ଇତିହାସ ଲେଖିଛନ୍ତି ଗ୍ରାଣ୍ଡମାଷ୍ଟର ଆର୍. ପ୍ରଜ୍ଞାନନନ୍ଦା। ୨୦୨୬ Grand Chess Tour Finals ଜିତି ସେ ଏହି ପ୍ରତିଷ୍ଠିତ ଟାଇଟଲ୍ ଜିତିବାରେ ପ୍ରଥମ ଭାରତୀୟ ହୋଇଛନ୍ତି। ସେଣ୍ଟ ଲୁଇସ୍ରେ ଫାଇନାଲ୍ରେ ଡିଫେଣ୍ଡିଂ ଚାମ୍ପିଅନ୍ ଫାବିଆନୋ କାରୁଆନାଙ୍କୁ ୧୫-୧୩ରେ ହରାଇ ଏହି ସଫଳତା ପାଇଥିଲେ।
ତେବେ ପ୍ରଜ୍ଞାନନନ୍ଦାଙ୍କ ଏହି ବିଜୟର ସବୁଠୁ ବଡ଼ ଦିଗ ହେଉଛି ତାଙ୍କର ମାନସିକ ଓ ଖେଳ ଶୈଳୀର ପରିବର୍ତ୍ତନ। ଗତବର୍ଷ São Pauloରେ GCT Finalsର ତୃତୀୟ ସ୍ଥାନ ପାଇଁ ମ୍ୟାଚ୍ରେ ଲେଭନ୍ ଅରୋନିଆନ୍ ପ୍ରଜ୍ଞାନନନ୍ଦାଙ୍କୁ ପରାସ୍ତ କରିଥିଲେ। ସେତେବେଳେ ଦ୍ରୁତ ଫର୍ମାଟ୍—ରାପିଡ୍ ଓ ବ୍ଲିଟ୍ଜ୍—ଭାରତୀୟ ଗ୍ରାଣ୍ଡମାଷ୍ଟରଙ୍କ ଦୁର୍ବଳ ଦିଗ ବୋଲି ଅରୋନିଆନ୍ ଅନୁଭବ କରିଥିଲେ।
କିନ୍ତୁ ଏକ ବର୍ଷ ମଧ୍ୟରେ ଚିତ୍ର ବଦଳିଗଲା। Times of Indiaକୁ ଦିଆ ଏକ୍ସକ୍ଲୁସିଭ୍ ସାକ୍ଷାତକାରରେ ଅରୋନିଆନ୍ କହିଛନ୍ତି ଯେ ସେ ପ୍ରଜ୍ଞାନନ୍ଦାଙ୍କ ରାପିଡ୍ ଓ ବ୍ଲିଟ୍ଜ୍ ପ୍ରଦର୍ଶନରେ ଏତେ ଉନ୍ନତି ଦେଖି ଆଶ୍ଚର୍ଯ୍ୟ ହୋଇଛନ୍ତି। ତାଙ୍କ ମତରେ, ନିଜ ଦୁର୍ବଳତାକୁ ଚିହ୍ନଟ କରି ତାହା ଉପରେ କାମ କରିବା ପ୍ରଜ୍ଞାନନନ୍ଦାଙ୍କ ସଫଳତାର ଏକ ପ୍ରମୁଖ କାରଣ।
GCT Finalsର ଫାଇନାଲ୍ ଏହାର ସ୍ପଷ୍ଟ ପ୍ରମାଣ ଦେଇଛି। ଦୁଇଟି କ୍ଲାସିକାଲ୍ ଗେମ୍ ପରେ ପ୍ରଜ୍ଞାନନନ୍ଦା ୩-୯ ପଏଣ୍ଟରେ ପଛରେ ଥିଲେ। କାରୁଆନା ପ୍ରଥମ କ୍ଲାସିକାଲ୍ ଗେମ୍ ଜିତିଥିବା ବେଳେ ଦ୍ୱିତୀୟଟି ଡ୍ର’ ହୋଇଥିଲା। ଏହାପରେ ପ୍ରଜ୍ଞାନନନ୍ଦା ରାପିଡ୍ର ଦୁଇଟି ଯାକ ଗେମ୍ ଜିତି ୧୧-୯ର ଅଗ୍ରଣୀ ହାସଲ କରିଥିଲେ।
ଶେଷରେ ବ୍ଲିଟ୍ଜ୍ରେ ମଧ୍ୟ ସେ ଚାପକୁ ଭଲ ଭାବେ ସମ୍ଭାଳିଥିଲେ। ଚାରିଟି ବ୍ଲିଟ୍ଜ୍ ଗେମ୍ରେ ସ୍କୋର ୪-୪ ରହିଥିଲା। ଶେଷ ଗେମ୍ରେ ପ୍ରଜ୍ଞାନନନ୍ଦା ଜିତିବା ସ୍ଥିତିରେ ଥିଲେ ମଧ୍ୟ ପର୍ପେଚୁଆଲ୍ ଚେକ୍ ମାଧ୍ୟମରେ ଡ୍ର’ ଗ୍ରହଣ କରି ଟାଇଟଲ୍ ସୁନିଶ୍ଚିତ କରିଥିଲେ।
ଏହି ସଫଳତା କେବଳ ଏକ ଟାଇଟଲ୍ ନୁହେଁ, ବରଂ ପ୍ରଜ୍ଞାନନନ୍ଦାଙ୍କ all-round chess player ଭାବେ ବିକାଶର ସଙ୍କେତ। GCT Finalsରେ ପ୍ରତ୍ୟେକ ମ୍ୟାଚ୍ରେ ଦୁଇଟି କ୍ଲାସିକାଲ୍, ଦୁଇଟି ରାପିଡ୍ ଏବଂ ଚାରିଟି ବ୍ଲିଟ୍ଜ୍ ଗେମ୍ ରହିଥିଲା। ଅର୍ଥାତ୍ ଏକ ଖେଳାଳିଙ୍କୁ ଭିନ୍ନ ଗତି ଓ ଭିନ୍ନ ମାନସିକ ଚାପରେ ନିଜକୁ ପ୍ରମାଣ କରିବାକୁ ପଡ଼େ।
ଏହା ସହିତ ପ୍ରଜ୍ଞାନନ୍ଦାଙ୍କ ଚଳିତ ସିଜନ୍ର ଗତି ମଧ୍ୟ ଗୁରୁତ୍ୱପୂର୍ଣ୍ଣ। GCTର Saint Louis Rapid & Blitzରେ ସେ ୨୩.୫ ପଏଣ୍ଟ ସହ ଚାମ୍ପିଅନ୍ ହୋଇଥିଲେ। ଏହା ପରେ GCT Finalsରେ ଐତିହାସିକ ଟାଇଟଲ୍ ତାଙ୍କ ଦ୍ରୁତ ଚେସ୍ରେ ଉନ୍ନତିକୁ ଆହୁରି ସ୍ପଷ୍ଟ କରିଛି।
